തോട്ടുമുക്കം: തോട്ടുമുക്കം ഗവ. യു.പി സ്കൂളിൽ തെരട്ടമ്മൽ ടി എസ് എയുടെ സഹകരണത്തോടെ നടത്തുന്ന ഫുട്ബോൾ അക്കാദമി (TFA)യുടെ ഉദ്ഘാടനവും ഔദ്യോഗിക ജഴ്സി ലോഞ്ചിങ്ങും ഇന്നു നടന്നു. മുൻ ഇന്ത്യൻ താരവും കേരള പോലീസ് ഡെപ്യൂട്ടി കമാൻഡൻറുമായ എ. സകീർ ഉദ്ഘാടന കർമം നിർവഹിച്ചു. പരിപാടിയിൽ ഹെഡ്മാസ്റ്റർ രീജിത്ത്‌ സ്വാഗതം പറഞ്ഞു. പി ടി എ പ്രസിഡണ്ട്‌ അബ്ദുൽ ജബ്ബാർ അധ്യക്ഷത വഹിച്ച ചടങ്ങിൽ കുട്ടികൾക്കുള്ള ജേഴ്സി പ്രകാശനം കൊടിയത്തൂർ ഗ്രാമപഞ്ചായത്ത് പ്രസിഡന്റ്‌ ദിവ്യ ഷിബു നിർവഹിച്ചു. എസ്.എം.സി മെമ്പർ ബാബു, ഫുട്ബോൾ കോച്ചുമാരായ സുനിൽ, സാദിഖ്, നജീബ്, കബീർ എന്നിവരും പി ടി എ, എം പി ടി എ പ്രതിനിധികളും മാതാപിതാക്കളും പങ്കെടുത്ത ചടങ്ങിൽ ദിലീപ് മാസ്റ്റർ നന്ദി പറഞ്ഞു.
