ഹരിയാന തെരഞ്ഞെടുപ്പിന്റെ ഫലം അടുത്ത മാസം നടക്കുന്ന മഹാരാഷ്ട്ര നിയമസഭാ തെരഞ്ഞെടുപ്പിനെ ബാധിക്കില്ലെന്ന് എൻസിപി നേതാവ് ശരദ് പവാർ. കേന്ദ്ര ഭരണ പ്രദേശം ആഗോളതലത്തിൽ കൂടുതൽ ശ്രദ്ധ നേടുന്നതിനാൽ ജമ്മു കാശ്മീർ തെരഞ്ഞെടുപ്പ് ഫലം പ്രാധാന്യമർഹിക്കുന്നതാണ്.
ഹരിയാനയെ പഠിച്ചു കൊണ്ടിരിക്കുകയാണ്. അതേസമയം ജമ്മു കാശ്മീരിനെ നോക്കുക. ഹരിയാന ഫലം മഹാരാഷ്ട്രയെ ബാധിക്കുമെന്ന് കരുതുന്നില്ല. ജമ്മു കാശ്മീരിനെ സംബന്ധിച്ചിടത്തോളം ലോകസമൂഹം അതിൽ കൂടുതൽ ശ്രദ്ധ കേന്ദ്രീകരിക്കുന്നുണ്ട്. ജമ്മു കാശ്മീരിലെ ഫലങ്ങൾ രാജ്യത്തെ സംബന്ധിച്ചിടത്തോളം പ്രധാനമാണെന്നും പവാർ പറഞ്ഞു
288 അംഗ നിയമസഭയിലേക്കുള്ള മഹാരാഷ്ട്ര തെരഞ്ഞെടുപ്പ് നവംബർ 20നാണ് നടക്കുന്നത്. നവംബർ 23ന് ആണ് വോട്ടെണ്ണൽ.