ടച്ചിംഗ്‌സ് നൽകിയില്ലെന്ന് ആരോപിച്ച് തർക്കം; പുതുക്കാട് ബാർ ജീവനക്കാരനെ കുത്തിക്കൊന്നു

തൃശ്ശൂർ പുതുക്കാട് ബാർ ജീവനക്കാരനെ കുത്തിക്കൊന്നു. എരുമപ്പെട്ടി സ്വദേശി ഹേമചന്ദ്രൻ (64)ആണ് കൊല്ലപ്പെട്ടത്. അളഗപ്പനഗർ സ്വദേശി ഫിജോ ജോണിനെ (40) അറസ്റ്റ് ചെയ്തു. കൊച്ചിയിലെ സെക്യൂരിറ്റി ജീവനക്കാരനാണ് പ്രതി. ഇന്നലെ പുതുക്കാട് മേ ഫെയർ ബാറിന് പുറത്താണ് സംഭവം.

വേണ്ട ടച്ചിംഗ്‌സ് നൽകിയില്ലെന്ന് ആരോപിച്ചുണ്ടായ തർക്കമാണ് കൊലപാതകത്തിൽ കലാശിച്ചത്. വാക്കുതർക്കത്തിന് ശേഷം ബാറിൽ നിന്നിറങ്ങിപ്പോയ പ്രതി കത്തി വാങ്ങി തിരിച്ചുവരികയായിരുന്നു

തൃശ്ശൂർ നഗരത്തിൽ പോയി വീണ്ടും മദ്യപിച്ചാണ് പ്രതി തിരികെ എത്തിയത്. രാത്രി 11.30ഓടെ ഹേമചന്ദ്രൻ ഭക്ഷണം കഴിക്കാനായി പുറത്തിറങ്ങിപ്പോഴാണ് കൊലപാതകം നടന്നത്. പ്രതിയെ പോലീസ് അറസ്റ്റ് ചെയ്തു