Kerala

വയനാട് ബത്തേരിയിൽ ഓട്ടോറിക്ഷ മറിഞ്ഞ് രണ്ട് വയസുകാരിക്ക് ദാരുണാന്ത്യം

വയനാട് ബത്തേരിയിൽ ഓട്ടോറിക്ഷ മറിഞ്ഞ് രണ്ട് വയസുകാരി മരിച്ചു. നായ്ക്കട്ടി പിലാക്കാവ് ഊരാളി ഉന്നതിയിലെ രാജേഷ്-സുമ ദമ്പതികളുടെ മകൾ രാജലക്ഷ്മിയാണ് മരിച്ചത്. ഇന്ന് രാവിലെ എട്ട് മണിയോടെ ബത്തേരി കോട്ടക്കുന്നിന് സമീപമാണ് അപകടം

നായ്ക്കട്ടിയിൽ നിന്ന് ബത്തേരിയിലേക്ക് ഓട്ടോറിക്ഷയിൽ വരുമ്പോൾ കോട്ടക്കുന്നിന് സമീപം ഇതേ ദിശയിലെത്തി യൂടേൺ എടുത്ത കാറുമായി കൂട്ടിയിടിച്ചാണ് ഓട്ടോ റിക്ഷ മറിഞ്ഞത്. ഇതിനടിയിൽപ്പെട്ട കുട്ടിയെ ഉടനെ ബത്തേരിയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല

ഇരുളത്തെ ബന്ധുവീട്ടിലേക്ക് മാതാപിതാക്കൾക്കും സഹോദരങ്ങൾക്കുമൊപ്പം പോകും വഴിയാണ് അപകടം. അർജുനൻ, രാജേശ്വരി എന്നിവർ സഹോദരങ്ങളാണ്.

See also  അമ്മയിലെ പ്രശ്‌നങ്ങള്‍ തീര്‍ക്കാന്‍ പ്രത്യേക കോടതി വേണ്ട സാഹചര്യം; ഹൈക്കോടതി

Related Articles

Back to top button