കൊല്ലം : കൊല്ലത്ത് വെച്ച് നടക്കുന്ന സംസ്ഥാന സ്കൂൾ കലോത്സവത്തിൽ ഹൈസ്കൂൾ വിഭാഗം അറബി പദ്യം ചൊല്ലലിൽ കിഴുപറമ്പ് ഗവണ്മെന്റ് വൊക്കേഷണൽ ഹയർ സെക്കൻഡറി സ്കൂൾലെ അൽ അമീൻ A ഗ്രേഡ് നേടി. കാലിക പ്രസക്തിയുള്ള “ഫലസ്തീൻ അധിനിവേശത്തെ” കുറിച്ച് മയ്യിൽ നൗഫൽ മാസ്റ്റർ എഴുതിയ കവിതയാണ് അൽ അമീൻ അവതരിപ്പിച്ചത്. കിഴുപറമ്പ് GVHSS ലെ പത്താം ക്ലാസ് വിദ്യാർത്ഥിയായ അൽ അമീൻ കുനിയിൽ സ്വദേശി ചീരാത്തലത്ത് അബ്ദുറഹ്മാന്റെയു റസിയാബിയുടെയും മകനാണ്.
