മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്ത ബ്ലോക്ക്ബസ്റ്റർ ചിത്രം ‘തുടരും’ ഒടിടി റിലീസിന് ഒരുങ്ങുന്നു. ചിത്രം മെയ് 30 മുതൽ ജിയോ ഹോട്ട്സ്റ്റാറിൽ സ്ട്രീമിംഗ് ആരംഭിക്കും. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ അഞ്ച് ഭാഷകളിൽ ചിത്രം ലഭ്യമാകും.
തിയേറ്ററുകളിൽ ഗംഭീര വിജയം നേടിയ ‘തുടരും’ ബോക്സ് ഓഫീസിൽ നിന്ന് ആഗോളതലത്തിൽ 232.25 കോടിയിലധികം രൂപ കളക്ഷൻ നേടിയിരുന്നു. കേരളത്തിൽ നിന്ന് മാത്രം 100 കോടിയിലധികം രൂപ ചിത്രം സ്വന്തമാക്കി. കെ.ആർ. സുനിൽ തിരക്കഥയെഴുതിയ ഈ ഫാമിലി ത്രില്ലർ ചിത്രം രജപുത്ര വിഷ്വൽ മീഡിയയുടെ ബാനറിൽ എം. രഞ്ജിത്താണ് നിർമ്മിച്ചത്.
മോഹൻലാലിനൊപ്പം ശോഭന, പ്രകാശ് വർമ്മ, ഫർഹാൻ ഫാസിൽ, മണിയൻപിള്ള രാജു, ബിനു പപ്പു, ഇർഷാദ് അലി, ആർഷ ചാന്ദിനി ബൈജു, തോമസ് മാത്യു, സംഗീത് പ്രതാപ്, കൃഷ്ണ പ്രഭ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. ഏപ്രിൽ 25-നാണ് ചിത്രം തിയേറ്ററുകളിൽ റിലീസ് ചെയ്തത്. തിയേറ്ററുകളിൽ മികച്ച പ്രതികരണം നേടിയതിന് ശേഷമാണ് ഇപ്പോൾ ഒടിടി റിലീസ് പ്രഖ്യാപിച്ചിരിക്കുന്നത്.
The post മോഹൻലാലിന്റെ ‘തുടരും’ ഒടിടിയിൽ; റിലീസ് തീയതി പ്രഖ്യാപിച്ചു appeared first on Metro Journal Online.
