കർണാടക ഷിരൂരിലെ മണ്ണിടിച്ചിലിൽ കാണാതായ അർജുനും മറ്റ് രണ്ട് പേർക്കും വേണ്ടിയുള്ള ഡ്രഡ്ജിംഗിൽ ക്രാഷ് ഗാർഡ് കിട്ടിയെന്ന് ലോറിയുടമ മനാഫ്. അത് അർജുൻ ഓടിച്ച വണ്ടിയുടെ ക്രാഷ് ഗാർഡ് ആണെന്ന് മനാഫ് സ്ഥിരീകരിച്ചു. നേരത്തെ പൊട്ടി വീണ ഇലക്ട്രിക് ടവറിന്റെ ഒരു ഭാഗവും ഒരു കെട്ട് കയറും കണ്ടെത്തിയിരുന്നു
കയർ അർജുൻ ഓടിച്ച ലോറിയുടേതാണെന്നും മനാഫ് പറഞ്ഞിരുന്നു. ഇനിയും നീളത്തിൽ കയറുണ്ടെന്നും അതിന്റെ അറ്റം പിടിച്ചുപോയാൽ ലോറിയിലേക്ക് എത്താനാകുമെന്നാണ് പ്രതീക്ഷയെന്നും മനാഫ് പറയുന്നു.
അതേസമയം തെരച്ചിലിന് കാലാവസ്ഥാ വീണ്ടും വെല്ലുവിളി സൃഷ്ടിക്കുന്നുണ്ട്. അടുത്ത മൂന്ന് ദിവസം ഉത്തര കന്നട ജില്ലയിലും തീരദേശ കർണാടകയിലും ശക്തമായ മഴ മുന്നറിയിപ്പാണ് നൽകിയത്.
