കൊച്ചി: നടന് മോഹന് രാജ് അന്തരിച്ചു. കിരീടം സിനിമയിലെ വില്ലന് കഥാപാത്രമായ കീരിക്കാടന് ജോസിനെ അവതരിപ്പിച്ച് മലയാളികള്ക്ക് സുപരിചിതനായ നടനാണ് മോഹന്രാജ്. വെെകിട്ട് മൂന്ന് മണിയോടെ തിരുവനന്തപുരത്തെ വീട്ടിലായിരുന്നു അന്ത്യം. അസുഖബാധിതനായി ചികിത്സയിലായിരുന്നു. സിനിമാ-സീരിയല് താരം ദിനേശ് പണിക്കരാണ് വിയോഗ വാര്ത്ത ഫേസ്ബുക്കിലൂടെ അറിയിച്ചത്.
‘കിരീടം സിനിമയിലെ അതികായകനായ വില്ലന്… കീരിക്കാടന് ജോസിനെ… അവതരിപ്പിച്ച മോഹന്രാജ് ഓര്മ്മയായി…. കിരീടം സിനിമയ്ക്കു ശേഷം എന്റെ തന്നെ ചിത്രങ്ങളായ ചെപ്പു കിലുക്കണ ചങ്ങാതി , രജ പുത്രന്, സ്റ്റാലിന് ശിവദാസ് എന്നീ ചിത്രങ്ങളിലും എന്റെ സുഹൃത്തായ മോഹന്രാജ് അഭിനയിച്ച സഹകരിക്കുകയുണ്ടായി… ഇന്ന് മൂന്ന് മണിയോടെ കഠിനം കുളത്തുള്ള വീട്ടിലാണ് അന്ത്യം സംഭവിച്ചത് എന്നറിയുന്നു… നാളെ അടക്കവും…’ എന്നാണ് അറിയിച്ചത്.
എൻഫോഴ്സ്മെന്റ് ഉദ്യോഗസ്ഥനായിരുന്ന മോഹന്രാജ് ആകസ്മികമായാണ് സിനിമയിലേക്ക് എത്തുന്നത്. മലയാളത്തിന് പുറമെ തെലുങ്കിലും തമിഴിലും അഭിനയിച്ചിട്ടുണ്ട്.
The post നടന് മോഹന് രാജ് അന്തരിച്ചു appeared first on Metro Journal Online.
