ചെന്നൈ സമ്മേളനത്തിലേക്ക് കേരളത്തെ ക്ഷണിച്ച് സ്റ്റാലിൻ; ഒപ്പമുണ്ടാകുമെന്ന് ഉറപ്പ് നൽകി പിണറായി
ലോക്‌സഭാ മണ്ഡല പുനർനിർണയ നീക്കത്തിനെതിരായ ചെന്നൈ സമ്മേളനത്തിലേക്ക് കേരളത്തെയും ക്ഷണിച്ച് തമിഴ്‌നാട് സർക്കാർ. തിരുവനന്തപുരത്ത് എത്തിയ തമിഴ്‌നാട് ഐടി മന്ത്രി പഴനിവേൽ ത്യാഗരാജനും തമിഴച്ചി തങ്കപാണ്ഡ്യൻ എംപിയും തമിഴ്‌നാട് മുഖ്യമന്ത്രി സ്റ്റാലിന്റെ ക്ഷണക്കത്ത് മുഖ്യമന്ത്രി പിണറായി വിജയന് കൈമാറി
കേരളത്തിന്റെ പിന്തുണ മുഖ്യമന്ത്രി ഉറപ്പ് നൽകി. സംസ്ഥാനങ്ങളുടെ അവകാശം സംരക്ഷിക്കാനുള്ള പോരാട്ടത്തിൽ ഒപ്പം നിൽക്കുമെന്ന് മുഖ്യമന്ത്രി വാക്ക് നൽകി. ഈ മാസം 22ന് നടക്കുന്ന സമ്മേളനത്തിലേക്ക് ദക്ഷിണേന്ത്യൻ സംസ്ഥാനങ്ങളിലെയും ഒഡീഷ, പഞ്ചാബ് എന്നിവിടങ്ങളിലെ മുഖ്യമന്ത്രിമാരെയുമാണ് സ്റ്റാലിൻ ക്ഷണിച്ചിരിക്കുന്നത്
കേരളത്തിൽ നിന്ന് മുഖ്യമന്ത്രി സമ്മേളനത്തിൽ പങ്കെടുക്കുമോ എന്നത് വ്യക്തമല്ല. മുഖ്യമന്ത്രി പങ്കെടുത്തില്ലെങ്കിൽ മന്ത്രിമാർ ആരെങ്കിലും സമ്മേളനത്തിന് എത്തും. കർണാടകയുടെ പ്രതിനിധിയായി ഉപമുഖ്യമന്ത്രി ഡികെ ശിവകുമാർ സമ്മേളനത്തിൽ പങ്കെടുക്കും.
The post ചെന്നൈ സമ്മേളനത്തിലേക്ക് കേരളത്തെ ക്ഷണിച്ച് സ്റ്റാലിൻ; ഒപ്പമുണ്ടാകുമെന്ന് ഉറപ്പ് നൽകി പിണറായി appeared first on Metro Journal Online.
