ആട് 3’യ്ക്കായുള്ള സിനിമസ്വാദകരുടെ കാത്തിരിപ്പ് ഉടന്‍ അവസാനിക്കും എന്ന് സൂചന. കഴിഞ്ഞ വര്‍ഷമായിരുന്നു ‘ആട് 3 വണ്‍ ലാസ്റ്റ് റൈഡ്’ എന്ന് പേരിട്ട ചിത്രം പ്രഖ്യാപിച്ചത്. എന്നാല്‍ സിനിമയെ കുറിച്ചുള്ള കൂടുതല്‍ വിവരങ്ങള്‍ ഒന്നും പുറത്തുവന്നിരുന്നില്ല. എന്നാല്‍ സിനിമയുടെ പ്രീ പ്രൊഡക്ഷന്‍ ആരംഭിച്ചിരിക്കുകയാണ് എന്ന വിവരങ്ങള്‍ പുറത്തുവന്നിരിക്കുകയാണ്.
ആട് 3യുടെ കഥ കേള്‍ക്കാന്‍ ചിത്രത്തിലെ പ്രധാനപ്പെട്ട താരങ്ങളെല്ലാം ഒത്തുകൂടിയിരിക്കുകയാണ്. സൈജു കുറുപ്പാണ് ഈ വിവരം പുറത്തുവിട്ടത്. ”ആട് 3യുടെ നറേഷന് സെക്ഷനിലേക്ക് കടുക്കുകയാണ്.. അപ്ഡേറ്റുകള്‍ ഉടന്‍. സോമനും സേവ്യറിനുമൊപ്പം” എന്ന ക്യാപ്ഷനോടെയാണ് സൈജു സ്‌ക്രിപ്റ്റ് പിടിച്ചിരിക്കുന്ന ചിത്രം പങ്കുവച്ചത്.
സുധി കോപ്പയും സണ്ണി വെയ്നുമാണ് സൈജുവിനൊപ്പം ചിത്രത്തിലുള്ളത്. ചിത്രത്തിലെ മറ്റ് താരങ്ങളും സ്റ്റോറി നറേഷന് വേണ്ടി എത്തിയിരുന്നു. സൈജുവിനും സുധിക്കുമൊപ്പം, സംവിധായകന്‍ മിഥുന്‍ മാനുവല്‍ തോമസ്, ചിത്രത്തിന്റെ നിര്‍മ്മാതാവും നടനുമായ വിജയ് ബാബു, ധര്‍മജന്‍, ബിജുക്കുട്ടന്‍ ഉള്‍പ്പടെയുള്ളവരും കഥ കേള്‍ക്കാനെത്തി. നായകന്‍ ജയസൂര്യയാണ്.
The post ആട് 3യ്ക്കായി അധികം കാത്തിരിപ്പു വേണ്ടെന്ന സൂചന നല്‍കി സൈജു കുറുപ്പ് appeared first on Metro Journal Online.
