ഭർത്താവുമായി വഴക്കിട്ട് വീട് വിട്ടിറങ്ങിയ യുവതി ബലാത്സംഗത്തിന് ഇരയായി; രണ്ട് പേർ അറസ്റ്റിൽ

ബംഗളൂരു കെആർ മാർക്കറ്റിന് സമീപം 37കാരിയായ യുവതിയെ തട്ടിക്കൊണ്ടുപോയി ബലാത്സംഗം ചെയ്ത സംഭവത്തിൽ രണ്ട് പേരെ സിറ്റി പോലീസ് അറസ്റ്റ് ചെയ്തു. തമിഴ്‌നാട് സ്വദേശിനിയായ യുവതിയാണ് ഞായറാഴ്ച ആക്രമിക്കപ്പെട്ടത്. രാത്രി 11.30ഓടെ ഗോഡൗൺ സ്ട്രീറ്റിന് സമീപം ബസ് കാത്തുനിൽക്കുകയായിരുന്ന യുവതിയാണ് ബലാത്സംഗത്തിന് ഇരയായത്.

ഭർത്താവുമായി വഴക്കിട്ടതിനെ തുടർന്ന് യുവതി വീട് വിട്ടിറങ്ങിയതായിരുന്നു. യെലഹങ്കയിലേക്കുള്ള ബസ് ചോദിക്കുന്നതിനിടെ സഹായിക്കാമെന്ന് പറഞ്ഞാണ് പ്രതികൾ സ്ത്രീയെ കൂട്ടിക്കൊണ്ടുപോയത്. തുടർന്ന് ഗോഡൗൺ സ്ട്രീറ്റിലെ ആളൊഴിഞ്ഞ സ്ഥലത്തേക്ക് കൊണ്ടുപോകുകയും ബലാത്സംഗം ചെയ്യുകയുമായിരുന്നു.

യുവതിയുടെ മൊബൈൽ ഫോണും ആഭരണങ്ങളും പണവും പ്രതികൾ മോഷ്ടിച്ചു. യുവതിയെ ഷെൽട്ടർ ഹോമിലേക്ക് മാറ്റിയതായി പോലീസ് അറിയിച്ചു. കൂടുതൽ അന്വേഷണം നടന്നുവരികയാണെന്നും പോലീസ് വ്യക്തമാക്കി

The post ഭർത്താവുമായി വഴക്കിട്ട് വീട് വിട്ടിറങ്ങിയ യുവതി ബലാത്സംഗത്തിന് ഇരയായി; രണ്ട് പേർ അറസ്റ്റിൽ appeared first on Metro Journal Online.