വിഎസിന്റെ ആരോഗ്യനില ഗുരുതരമായി തുടരുന്നു; ചികിത്സയിൽ ഉചിതമായ മാറ്റങ്ങൾ വരുത്തും

മുൻ മുഖ്യമന്ത്രി വിഎസ് അച്യുതാനന്ദന്റെ ആരോഗ്യനില ഗുരുതരമായി തുടരുന്നുവെന്ന് പുതിയ മെഡിക്കൽ ബുള്ളറ്റിൻ. അൽപ്പ സമയം മുമ്പാണ് മെഡിക്കൽ ബുള്ളറ്റിൻ ഇറക്കിയത്. സിആർആർടി, ആന്റി ബയോട്ടിക് തുടങ്ങിയ ചികിത്സ തുടരാനാണ് മെഡിക്കൽ ബോർഡ് നിർദേശം

ആവശ്യമെങ്കിൽ ചികിത്സയിൽ ഉചിതമായ മാറ്റങ്ങൾ വരുത്തുമെന്നും മെഡിക്കൽ ബുള്ളറ്റിനിൽ പറയുന്നു. തിരുവനന്തപുരത്തെ സ്വകാര്യ ആശുപത്രിയിലാണ് വിഎസ് ചികിത്സയിൽ കഴിയുന്നത്. ഇന്ന് സിപിഎം ജനറൽ സെക്രട്ടറി എംഎ ബേബി ആശുപത്രിയിൽ എത്തി വിഎസിനെ സന്ദർശിച്ചിരുന്നു

വിഎസ് മരുന്നുകളോട് പ്രതികരിക്കുന്നത് പ്രതീക്ഷ നൽകുന്നതായി എംഎ ബേബി പറഞ്ഞു. തുടർച്ചയായ ഡയാലിസിസ് ഇന്ന് മുതൽ തുഠങ്ങും. അദ്ദേഹത്തിന്റെ നിശ്ചയദാർഢ്യം കൊണ്ട് ഈ ആരോഗ്യ അവസ്ഥയെ മറികടക്കുമെന്നാണ് പ്രതീക്ഷിക്കുന്നതെന്നും എംഎ ബേബി പറഞ്ഞു.

The post വിഎസിന്റെ ആരോഗ്യനില ഗുരുതരമായി തുടരുന്നു; ചികിത്സയിൽ ഉചിതമായ മാറ്റങ്ങൾ വരുത്തും appeared first on Metro Journal Online.