വർക്കലയിൽ കടലിൽ കുളിക്കാനിറങ്ങിയ ഐടി വിദ്യാർഥി മുങ്ങിമരിച്ചു. ബംഗളൂരു സ്വദേശിയായ നെൽസൺ ജെയ്സൺ(28) ആണ് മരിച്ചത്. ഇന്ന് രാവിലെയാണ് കോസ്റ്റൽ പോലീസ് മൃതദേഹം കണ്ടെത്തിയത്
ഇന്നലെയാണ് അപകടം നടന്നത്. നെൽസണും നാല് സുഹൃത്തുക്കളും വർക്കല ആലിയിറക്കം ബീച്ചിൽ കുളിക്കുമ്പോഴായിരുന്നു അപകടം.
ഒപ്പമുണ്ടായിരുന്നവരെ ഇന്നലെ തന്നെ രക്ഷപ്പെടുത്തിയിരുന്നു. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്.
