പാലാ എംഎൽഎ മാണി സി കാപ്പന്റെ തെരഞ്ഞെടുപ്പ് വിജയം അസാധുവാക്കണമെന്ന് ആവശ്യപ്പെട്ട് നൽകിയ ഹർജി ഹൈക്കോടതി തള്ളി. 2021 നിയമസഭാ തെരഞ്ഞെടുപ്പിൽ പാലായിൽ സ്വതന്ത്ര സ്ഥാനാർഥിയായിരുന്ന സിവി ജോൺ ആണ് ഈ ആവശ്യവുമായി കോടതിയെ സമീപിച്ചത്.
അനുവദിച്ചതിൽ കൂടുതൽ പണം മാണി സി കാപ്പൻ ചെലവാക്കി, ആവശ്യമായ രേഖകൾ ഹാജരാക്കിയില്ല തുടങ്ങിയ ആരോപണങ്ങളായിരുന്നു ഹർജിയിൽ ഉന്നയിച്ചിരുന്നത്. എന്നാൽ ആരോപണങ്ങൾ തെളിയിക്കാൻ ഹർജിക്കാരന് സാധിച്ചില്ലെന്ന് ചൂണ്ടിക്കാട്ടിയാണ് ഹർജി തള്ളിയത്
യുഡിഎഫ് സ്ഥാനാർഥിയായി വിജയിച്ച മാണി സി കാപ്പൻ 69,804 വോട്ടുകളും എൽഡിഎഫ് സ്ഥാനാർഥി ജോസ് കെ മാണി 54,426 വോട്ടുകളും നേടിയിരുന്നു. ഹർജിക്കാരനായ സിവി ജോണിന് 249 വോട്ടുകളാണ് ലഭിച്ചത്.
