ഇന്ത്യയിൽ ജാതിയില്ലെന്ന് ബിജെപി പറയുന്നു; പിന്നെ മോദി എങ്ങനെ ഒബിസി ആയതെന്ന് രാഹുൽ ഗാന്ധി

ഇന്ത്യയിൽ ജാതിയില്ലെന്ന് ആവർത്തിച്ച് പറയുന്ന പ്രധാനമന്ത്രി നരേന്ദ്രമോദി സ്വയം ഒബിസി എന്നാണ് പറയുന്നതെന്ന് പ്രതിപക്ഷ നേതാവ് രാഹുൽ ഗാന്ധി. ജാതി സെൻസസിന്റെ ആവശ്യകതയെ കുറിച്ച് സംസാരിക്കുകയായിരുന്നു രാഹുൽ ഗാന്ധി. മോദി എല്ലാ പ്രസംഗത്തിലും താൻ ഒബിസി ആണെന്ന് ആവർത്തിക്കുമായിരുന്നു.

ജാതി സെൻസസിൽ, ഇന്ത്യയിൽ ജാതി ഇല്ലെന്ന് അവർ പറയുന്നു. ഇന്ത്യയിൽ ജാതി ഇല്ലെങ്കിൽ മോദി എങ്ങനെയാണ് ഒബിസി ആയത്. ജാതി സെൻസസ് നടത്തുക എന്നതാണ് എന്റെ ലക്ഷ്യം. ലോക്‌സഭയിൽ മോദിയോട് ഞാൻ ഇത് നേരിട്ട് പറഞ്ഞതാണ്

ജാതി സെൻസസ് നടക്കും. മോദിക്ക് കീഴടങ്ങുന്ന ഒരു ശീലമുണ്ടെന്ന് നിങ്ങൾക്ക് അറിയാമല്ലോയെന്നും രാഹുൽ ഗാന്ധി ചോദിച്ചു. ഇന്ത്യ-പാക് സംഘർഷത്തിൽ നിന്ന് മോദിയെ കീഴടങ്ങാൻ പ്രേരിപ്പിച്ചത് താനാണെന്ന് ട്രംപ് 11 തവണ പരസ്യമായി പറഞ്ഞിട്ടുണ്ട്. പക്ഷേ മോദിജിക്ക് ഒരു വാക്കുപോലും പറയാൻ കഴിയില്ല. കാരണം അത് സത്യമാണെന്നും രാഹുൽ ഗാന്ധി പറഞ്ഞു.