തമിഴ് സിനിമയിലെ ഉന്നത താരം യുവ നടിക്ക് നേരെ ലൈംഗികാതിക്രമം നടത്തി; വെളിപ്പെടുത്തലുമായി രാധിക ശരത് കുമാർ

സിനിമ മേഖലയിലെ അതിക്രമങ്ങളെ കുറിച്ച് വെളിപ്പെടുത്തലുമായി വീണ്ടും രാധിക ശരത് കുമാർ. തമിഴ് സിനിമയിലെ ഉന്നതനായ താരം യുവനടിക്ക് നേരെ ലൈംഗികാതിക്രമം നടത്തിയെന്ന് രാധിക ശരത്കുമാർ പറഞ്ഞു. നടൻ മദ്യപിച്ചിട്ടുണ്ടായിരുന്നു. തന്റെ ഇടപെടൽ കാരണമാണ് നടിയെ രക്ഷിക്കാനായത്

താൻ ആ നടനോട് കയർത്തു. പിന്നാലെ ആ പെൺകുട്ടി എന്നെ കെട്ടിപ്പിടിച്ചു. ഭാഷ അറിയില്ലെങ്കിലും നിങ്ങളെന്നെ രക്ഷിച്ചെന്ന് എനിക്ക് മനസ്സിലായെന്നും പറഞ്ഞു. ആ പെൺകുട്ടി ഇന്നും എന്റെ നല്ല സുഹൃത്താണ്. രാഷ്ട്രീയ ലക്ഷ്യങ്ങളുള്ള നടൻമാർ ആദ്യം സ്വന്തം സിനിമ മേഖലയിലെ സ്ത്രീകളെ സംരക്ഷിക്കണമെന്നും രാധിക പറഞ്ഞു

ഇപ്പോൾ പ്രമുഖ നായക നടന്റെ ഭാര്യയായ താരത്തിന് നേരെ വർഷങ്ങൾക്ക് മുമ്പ് ലൈംഗികാതിക്രമ ശ്രമമുണ്ടായെന്നാണ് രാധികയുടെ തുറന്നുപറച്ചിൽ. മലയാള സിനിമാ മേഖലയിലാണ് പ്രശ്‌നമെന്നും തമിഴിൽ ഒരു കുഴപ്പവുമില്ലെന്ന് താരസംഘന നേതാവ് വിശാൽ കഴിഞ്ഞ ദിവസം പറഞ്ഞിരുന്നു. ഇതിന് പിന്നാലെയാണ് രാധികയുടെ വെളിപ്പെടുത്തൽ.

The post തമിഴ് സിനിമയിലെ ഉന്നത താരം യുവ നടിക്ക് നേരെ ലൈംഗികാതിക്രമം നടത്തി; വെളിപ്പെടുത്തലുമായി രാധിക ശരത് കുമാർ appeared first on Metro Journal Online.