യെമനിലെ സന വിമാനത്താവളത്തിൽ ഇസ്രായേൽ ആക്രമണം; ഗാസയ്ക്കുള്ള പിന്തുണ തുടരുമെന്ന് ഹൂതികൾ
യെമൻ തലസ്ഥാനമായ സനയിലെ വിമാനത്താവളത്തിൽ ഇസ്രായേൽ വ്യോമാക്രമണം നടത്തി. റൺവേയും യെമനിയ എയർലൈൻസിന്റെ അവസാന വിമാനവും ആക്രമണത്തിൽ തകർത്തതായി ഹൂതികളുമായി ബന്ധപ്പെട്ട മാധ്യമങ്ങൾ റിപ്പോർട്ട് ചെയ്തു. ഈ മാസത്തിൽ സന വിമാനത്താവളത്തിനുനേരെ ഇസ്രായേൽ നടത്തുന്ന രണ്ടാമത്തെ ആക്രമണമാണിത്.
ഇസ്രായേലിന് നേരെ ഹൂതികൾ രണ്ട് മിസൈലുകൾ തൊടുത്തുവിട്ടതിന് പിന്നാലെയാണ് ഈ വ്യോമാക്രമണം. എന്നാൽ, ഗാസയിലെ പലസ്തീനികൾക്കുള്ള തങ്ങളുടെ പിന്തുണയിൽ നിന്ന് പിന്നോട്ട് പോകില്ലെന്ന് ഹൂതികൾ വ്യക്തമാക്കി. ഇസ്രായേൽ നടത്തുന്ന ആക്രമണങ്ങൾ തങ്ങളെ ഗാസയ്ക്കുള്ള പിന്തുണയിൽ നിന്ന് പിന്തിരിപ്പിക്കില്ലെന്നും അവർ അറിയിച്ചു.
https://x.com/KAlshaief/status/1927694642696339607
മെയ് ആദ്യം ഹൂതികൾ ഇസ്രായേലിലെ ബെൻ ഗുരിയോൺ വിമാനത്താവളം ലക്ഷ്യമിട്ട് മിസൈൽ ആക്രമണം നടത്തിയിരുന്നു. ഇതിന് പിന്നാലെയാണ് യെമനെ ലക്ഷ്യമിട്ട് ഇസ്രായേൽ തിരിച്ചടികൾ ആരംഭിച്ചത്.
