പാലക്കാട് പറമ്പിക്കുളത്ത് നിന്ന് ഐടിഐ വിദ്യാർഥിയെ കാണാതായതായി പരാതി. രണ്ട് ദിവസമായി വിദ്യാർഥിയെ കാണാനില്ലെന്നാണ് പരാതി. ആധാർ കാർഡ് എടുക്കാൻ വീട്ടിൽ പോയ വിദ്യാർഥിയെയാണ് കാണാതായത്.
പറമ്പിക്കുളം എർത്ത് ഡാം ഉന്നതിയിലെ അശ്വിനെയാണ് കാണാതായത്. രേഖകൾ പുതുക്കുന്നതിനായി പറമ്പിക്കുളം ടൈഗർ ഹാളിൽ ക്യാമ്പ് നടന്നിരുന്നു. ഇതിന്റെ ഭാഗമായി ചില രേഖ എടുക്കാൻ 3 കിലോമീറ്റർ അകലെയുള്ള വീട്ടിൽ പോയതാണ് അശ്വിൻ.
എന്നാൽ അശ്വിൻ വീട്ടിലെത്തിയിരുന്നില്ല. കാണാതായതിനെ തുടർന്ന് വീട്ടുകാർ പോലീസിൽ പരാതി നൽകി. അശ്വിനായി പറമ്പിക്കുളം പോലീസ് അന്വേഷണം ആരംഭിച്ചു.
