തിരുവനന്തപുരം: ദക്ഷിണേന്ത്യയിലെ പ്രധാനപ്പെട്ട ട്രെയിനുകളിലൊന്നായ ശബരി എക്സ്പ്രസ് ഇനി മുതൽ സൂപ്പർഫാസ്റ്റ് ട്രെയിനായി മാറും. നിലവിൽ ജനറൽ എക്സ്പ്രസ് ആയി ഓടുന്ന ശബരി എക്‌സ്പ്രസിന്റെ വേഗത വർധിപ്പിക്കാനും യാത്രാ സമയം കുറക്കാനും ഇത് സഹായിക്കും. ഈ മാറ്റം യാത്രക്കാർക്ക് വലിയ ആശ്വാസമാകുമെന്നാണ് പ്രതീക്ഷിക്കുന്നത്.
പുതിയ മാറ്റങ്ങൾ പ്രാബല്യത്തിൽ വരുന്നതോടെ, ശബരി എക്‌സ്പ്രസിന് പുതിയ നമ്പർ ലഭിക്കും. കൂടാതെ, യാത്രാക്കൂലിയിലും നേരിയ വർദ്ധനവുണ്ടാകും. ട്രെയിനിന്റെ സമയക്രമത്തിലും മാറ്റങ്ങൾ വരുത്താൻ സാധ്യതയുണ്ട്. സൂപ്പർഫാസ്റ്റ് പദവി ലഭിക്കുന്നതോടെ, കൂടുതൽ വേഗത്തിൽ ലക്ഷ്യസ്ഥാനത്ത് എത്താൻ സാധിക്കുമെന്നത് യാത്രക്കാർക്ക് ഏറെ പ്രയോജനകരമാകും.
യാത്രക്കാരുടെ ദീർഘകാലത്തെ ആവശ്യമായിരുന്നു ശബരി എക്‌സ്പ്രസിനെ സൂപ്പർഫാസ്റ്റ് ആക്കി മാറ്റുക എന്നത്. 17229/30 തിരുവനന്തപുരം സെന്‍ട്രല്‍ – സെക്കന്തരാബാദ് സൂപ്പര്‍ഫാസ്റ്റിന്റെ പുതുക്കിയ സമയക്രമം:
20630 – തിരുവനന്തപുരം സെന്‍ട്രല്‍ – സെക്കന്തരാബാദ് ശബരി സൂപ്പര്‍ഫാസ്റ്റ് എക്സ്പ്രസ്
തിരുവനന്തപുരം സെന്‍ട്രലില്‍ നിന്ന് പുറപ്പെടുന്ന സമയം: 6:45 എഎം
സെക്കന്തരാബാദില്‍ എത്തിച്ചേരുന്ന സമയം: 11:00 എഎം (അടുത്ത ദിവസം)
20629 – സെക്കന്തരാബാദില്‍ – തിരുവനന്തപുരം സെന്‍ട്രല്‍ ശബരി സൂപ്പര്‍ഫാസ്റ്റ് എക്സ്പ്രസ്
സെക്കന്തരാബാദില്‍ നിന്ന് പുറപ്പെടുന്ന സമയം: 2:35 പിഎം
തിരുവനന്തപുരം സെന്‍ട്രലില്‍ എത്തിച്ചേരുന്ന സമയം: 6:20 പിഎം
പുതിയ ക്രമത്തില്‍ ഓടിത്തുടങ്ങുന്ന തീയതി ഉടന്‍ പ്രഖ്യാപിക്കും. കൂടാതെ, ട്രെയിനിന്റെ പ്രാഥമിക മെയിന്റെനന്‍സ് തിരുവനന്തപുരം സെന്‍ട്രലിലേക്ക് മാറ്റും.
The post ശബരി എക്സ്പ്രസ് ഇനിമുതൽ സൂപ്പർഫാസ്റ്റ് ട്രെയിൻ appeared first on Metro Journal Online.
