ഗാസയിൽ ഇസ്രായേൽ സൈന്യത്തിന്റെ കവചിത വാഹനം പൊട്ടിത്തെറിച്ചു; ഏഴ് സൈനികർ കൊല്ലപ്പെട്ടു

വടക്കൻ ഗാസയിലെ ഖാൻ യൂനിസിൽ നടന്ന സ്‌ഫോടനത്തിൽ ഏഴ് ഇസ്രായേലി സൈനികർ കൊല്ലപ്പെട്ടു. സൈനിക വാഹനത്തിലുണ്ടായ പൊട്ടിത്തെറിയിലാണ് സംഭവം. 605മത് കോംബാറ്റ് എൻജിനീയറിംഗ് ബറ്റാലിയൻ ഉദ്യോഗസ്ഥരാണ് കൊല്ലപ്പെട്ടതെന്ന് ഇസ്രായേൽ ഡിഫൻസ് ഫോഴ്‌സ് അറിയിച്ചു

സൈനികർ സഞ്ചരിച്ച കവചിത വാഹനമാണ് പൊട്ടിത്തെറിച്ചത്. വാഹനത്തിൽ പലസ്തീൻ ഭീകരർ സ്‌ഫോടക വസ്തുക്കൾ സ്ഥാപിച്ചതായി ഐഡിഎഫ് ആരോപിച്ചു. ഖാൻ യൂനിസിലൂടെ വാഹനം കടന്നുപോകുമ്പോഴാണ് സ്‌ഫോടനമുണ്ടായത്

തീയണക്കാൻ അഗ്നിരക്ഷാ സേനാംഗങ്ങൾ ശ്രമിച്ചെങ്കിലും ആരെയും രക്ഷപ്പെടുത്താൻ സാധിച്ചില്ല. ഗാസാ മുനമ്പിൽ നടന്ന ഏറ്റുമുട്ടലിൽ ഒരു സൈനികന് ഗുരുതരമായി പരുക്കേറ്റതായും ഐഡിഎഫ് അറിയിച്ചു.

The post ഗാസയിൽ ഇസ്രായേൽ സൈന്യത്തിന്റെ കവചിത വാഹനം പൊട്ടിത്തെറിച്ചു; ഏഴ് സൈനികർ കൊല്ലപ്പെട്ടു appeared first on Metro Journal Online.