90നെ പുച്ഛിക്കേണ്ട; ധനികയായ ഇന്ത്യന് നടിമാരില് ഇപ്പോഴും തൊണ്ണൂറുകളിലെ രോമാഞ്ചം
മുംബൈ: ഇന്ത്യയിലെ ഏറ്റവും ധനികയായ നടിയാരാണ്. പരസ്യങ്ങളിലും സിനിമികളിലും നിറഞ്ഞു നില്ക്കുന്ന പ്രിയങ്കാ ചോപ്രയുടെയും ദീപിക പദുകോണിന്റെയും ആലിയ ഭട്ടിന്റെയും പേരുകളാണ് നാവിന് തുമ്പിലുള്ളതെങ്കില് നിങ്ങള്ക്ക് തെറ്റി. പത്ത് വര്ഷമായി വെള്ളിത്തിരയില് കാര്യമായ ചലനങ്ങളൊന്നും സൃഷ്ടിക്കാത്ത എന്നാല് തൊണ്ണൂറുകളിലെ ലേഡി സൂപ്പര് സ്റ്റാറായ ആ താരത്തിന്റെ ആസ്ഥി 4,600 കോടി രൂപയാണ്. തന്റെ അടുത്ത സുഹൃത്തും ബിസിനസ് പാര്ട്ണറുമായ ഷാറൂഖ് ഖാന് കഴിഞ്ഞാല് രണ്ടാമത്തെ ധനികയായ ഇന്ത്യന് ആക്ടറുകൂടിയാണ് ഈ താരം. അത് മറ്റാരുമല്ല ജൂഹി ചൗളയാണ്.
സിനിമാ നിര്മാണ രംഗത്തെ റെഡ് ചില്ലീസ് ഗ്രൂപ്പിലെ നിര്ണായക വ്യക്തിത്വമായ ജൂഹി ഐ പി എല് ടീമായ കൊല്ക്കത്ത നൈറ്റ് റൈഡേഴ്സിന്റെ സഹ ഓണറും കൂടിയാണ്. അഭിനയ കാലത്ത് തന്നെ നിരവധി ബിസിനസ് സംരംഭങ്ങളിലും ജൂഹി ശ്രദ്ധ ചെലുത്തിയിരുന്നു. ഇതിന്റെ ഫലമാണ് പുതുമഖങ്ങളെ പിന്തള്ളി ഇത്തരമൊരു സ്ഥാനത്ത് അവര്ക്ക് ഇപ്പോഴും ഇരിക്കാന് കഴിയുന്നത്.
ഈ വര്ഷത്തെ ഹുറുണ് റിച്ച് ലിസ്റ്റിലാണ് ജൂഹി ഒന്നാം സ്ഥാനത്തെത്തിയത്. രണ്ടാമത്തെ ധനികയായ നടി ഐശ്വര്യ റായിയാണ്. 850 കോടിയാണ് അവരുടെ ആസ്ഥി. 650 കോടിയുമായി പ്രിയങ്കാ ചോപ്രയാണ് പട്ടികയില് മൂന്നാമത്. ആലിയ ഭട്ടും ദീപികയുമാണ് നാലും അഞ്ചും സ്ഥാനത്ത്.
The post 90നെ പുച്ഛിക്കേണ്ട; ധനികയായ ഇന്ത്യന് നടിമാരില് ഇപ്പോഴും തൊണ്ണൂറുകളിലെ രോമാഞ്ചം appeared first on Metro Journal Online.
