ആർഎസ്എസ് നേതാവിനെ കാണാൻ എഡിജിപിയെ അയച്ചു; പൂരം കലക്കിയത് മുഖ്യമന്ത്രിയെന്ന് സതീശൻ

മുഖ്യമന്ത്രി പിണറായി വിജയനെതിരെ ആരോപണവുമായി പ്രതിപക്ഷ നേതാവ് വിഡി സതീശൻ. ആർഎസ്എസ് നേതാവിനെ കാണാൻ മുഖ്യമന്ത്രി എഡിജിപി അജിത് കുമാറിനെ അയച്ചെന്ന് സതീശൻ ആരോപിച്ചു. പാറമേക്കാവിലാണ് കൂടിക്കാഴ്ച നടന്നത്. പൂരം കലക്കിയത് ഈ കൂടിക്കാഴ്ചക്ക് ശേഷമാണെന്നും വിഡി സതീശൻ ആരോപിച്ചു

പോലീസിനെ കൊണ്ട് പൂരം കലക്കിച്ചത് മുഖ്യമന്ത്രിയാണ്. തൃശ്ശൂരിൽ ബിജെപിയെ ജയിപ്പിക്കാൻ മുഖ്യമന്ത്രി അറിഞ്ഞു കൊണ്ട് നീക്കം നടത്തി. മുഖ്യമന്ത്രിക്ക് എഡിജിപിയെയും പൊളിറ്റിക്കൽ സെക്രട്ടറിയെയും തൊടാൻ പേടിയാണെന്നും സതീശൻ പറഞ്ഞു

അതേസമയം പിവി അൻവറിന്റെ ആരോപണങ്ങൾ ഗുരുതരമാണെന്ന് ബിജെപി സംസ്ഥാന പ്രസിഡന്റ് കെ സുരേന്ദ്രൻ പറഞ്ഞു. അൻവർ ഉന്നയിച്ച പ്രശ്‌നങ്ങൾ മുഖ്യമന്ത്രിയും പാർട്ടി സെക്രട്ടറിയും പറഞ്ഞ് ഒത്തുതീർക്കാൻ ഇത് കുടുംബപ്രശ്‌നമല്ലെന്നും കേന്ദ്ര ഏജൻസികൾ അന്വേഷിക്കണമെന്നും സുരേന്ദ്രൻ പറഞ്ഞു