മൈത്ര: തെഞ്ചേരി(ചോല) – അരീക്കോട് റൂട്ടിൽ പുതിയ സ്വകാര്യ ബസ് സർവീസ് നാളെ മുതൽ ആരംഭിക്കും. ഏറെക്കാലത്തെ ജനങ്ങളുടെ ആവശ്യം നിറവേറ്റിക്കൊണ്ടാണ് ‘മർഹബ’ എന്ന പേരിൽ ജനകീയ ബസ് സർവ്വീസ് ആരംഭിക്കുന്നത്. നാളെ രാവിലെ 7:50ന് തെഞ്ചേരി ചോലയിൽ നിന്നും ആരംഭിക്കുന്ന സർവീസ് തെഞ്ചേരി – ചെമ്പ്ര – കുത്തൂപറമ്പ് – മൈത്ര പാലം വഴി അരീക്കോട് എത്തിച്ചേരും. വിശദമായ സമയക്രമം ബസ് സർവീസ് ആരംഭിച്ച ശേഷം അറിയിക്കും.
മൈത്ര പാലം വരുന്നതിന് മുന്നേ അരീക്കോട് നിന്നും മൂർക്കനാട് വഴി ബസ് സർവ്വീസ് നടത്തിയിരുന്നു. എന്നാൽ കോവിഡ് കാലത്ത് ഈ സർവീസ് നിർത്തി വെക്കുകയായിരുന്നു. പിന്നീട് മൈത്ര പാലം വഴി സർവീസ് പുനരാരംഭിക്കാൻ ശ്രമം നടത്തിയെങ്കിലും സാങ്കേതിക കാരണങ്ങളാൽ നീണ്ടുപോയി. അതേസമയം നാളെ മുതൽ പുതിയ സർവീസ് ആരംഭിക്കുന്നതിൽ വലിയ ആവേശത്തിലാണ് നാട്ടുകാർ. സാധാരണക്കാർക്കും വിദ്യാർത്ഥികൾക്കും വലിയ ആശ്വാസമാകും പുതിയ സർവീസ്.
