കൂടിയാലോചനകൾക്ക് ശേഷമാണ് സ്ഥാനാർഥികളെ തീരുമാനിച്ചതെന്ന് പ്രതിപക്ഷ നേതാവ് വിഡി സതീശൻ. ആർക്കും എവിടെയും മത്സരിക്കാം. യൂത്ത് കോൺഗ്രസിന്റെ സമരനായകനായ രാഹുൽ മാങ്കൂട്ടത്തിൽ മിടുക്കനായ സ്ഥാനാർഥിയാണെന്നും വിഡി സതീശൻ പറഞ്ഞു.
തെരഞ്ഞെടുപ്പിൽ പ്രത്യാഘാതം എന്തായാലും നേരിടും. പി സരിൻ ഇത്തരത്തിൽ പ്രതികരിച്ചത് എന്തുകൊണ്ടാണെന്ന് അറിയില്ല. സ്ഥാനാർഥിയെ തീരുമാനിച്ചതിന്റെ പൂർണ ഉത്തരവാദിത്തം എനിക്കും കെപിസിസി പ്രസിഡന്റിനുമാണ്. എല്ലാ നടപടി ക്രമങ്ങളും പൂർത്തിയാക്കിയാണ് ഞങ്ങൾ എഐസിസിക്ക് അയച്ചു കൊടുത്തത്
യുക്തിപൂർവമായ വാദങ്ങൾ കൊണ്ട് ആളുകളുടെ ഹൃദയം കീഴടക്കിയ വ്യക്തിയാണ് രാഹുൽ. ആരും അദ്ദേഹത്തിനെതിരെ ആക്ഷേപം ഉന്നയിച്ചിട്ടില്ല. വൈകാരികമായി പ്രതികരിക്കരുതെന്ന് സരിനോട് അപേക്ഷിച്ചിരുന്നതാണ്. സരിനെതിരെ നടപടിയുണ്ടാകുമോയെന്ന് കെപിസിസി പ്രസിഡന്റ് പറയുമെന്നും വിഡി സതീശൻ പറഞ്ഞു
