തിരുവനന്തപുരം പുതുക്കുറിച്ചിയിൽ മത്സ്യത്തൊഴിലാളിയെ വള്ളം മറിഞ്ഞ് കാണാതായി. നാല് പേരാണ് വള്ളത്തിലുണ്ടായിരുന്നത്. വള്ളം തലകീഴായി മറിയുകയായിരുന്നു.
മൂന്ന് പേർ നീന്തി രക്ഷപ്പെട്ടു. പുതുക്കുറുച്ചി തൈരുവിൽ തൈവിളാകം വീട്ടിൽ ആന്റണിയെയാണ്(65) കാണാതായത്. മത്സ്യബന്ധനത്തിനായി പോകുമ്പോഴായിരുന്നു അപകടം.
മത്സ്യത്തൊഴിലാളികളും കോസ്റ്റൽ പോലീസും മറൈൻ എൻഫോഴ്സ്മെന്റും ചേർന്ന് തെരച്ചിൽ തുടരുകയാണ്.
