ഷാര്‍ജ: ആലപ്പുഴ വാടക്കല്‍ സ്വദേശി കെട്ടിടത്തില്‍നിന്ന് വീണ് ഷാര്‍ജയില്‍ മരിച്ചു. ഗ്രാഫിക് ഡിസൈനറായി ജോലി ചെയ്യുകയായിരുന്നു. ഗുരു മന്ദിരം വാര്‍ഡിലെ കടപ്പുറത്ത് തയ്യില്‍ വീട്ടില്‍ കെ ജെ ജോസ്(40) ആണ് മരിച്ചത്. അഞ്ചു മാസം മുന്‍പാണ് സന്ദര്‍ശന വിസയില്‍ ഷാര്‍ജയില്‍ എത്തിയത്.
ഭാര്യ: അഞ്ജലി ജോസ്. മക്കള്‍: ലീസ് മരിയ, ലിയോണ്‍. മൃതദേഹം നാട്ടിലേക്ക് എത്തിക്കാന്‍ സര്‍ക്കാര്‍ നടപടി സ്വീകരിക്കണമെന്ന് ജോസിന്റെ ബന്ധുക്കള്‍ ആവശ്യപ്പെട്ടു. മരണ വിവരം ഷാര്‍ജയില്‍നിന്നും ബന്ധുക്കളെ അറിയിക്കുകയായിരുന്നു. അഞ്ചു മാസം മുന്‍പായിരുന്നു ജോലി തേടി ജോസ് യുഎഇയില്‍ എത്തിയത്.
